ISJ 0.00 í 21 daga

Í útláni

Gagnvirkt píanó sem sameinar tónlistarnám og leik. Nemendur fylgja sjónrænum leiðbeiningum í appi og spila á takkana sem lýsast upp í takt við lagið. Þannig geta þeir byrjað að spila einfaldar laglínur án þess að kunna að lesa nótur.

Í skólastarfi má nýta píanóið í tónmennt, stöðvavinnu og skapandi verkefnum. Það býður upp á skemmtilega leið til að æfa takt, hlustun og samhæfingu, jafnt í einstaklingsvinnu sem samvinnu þar sem nemendur skiptast á að spila.

Píanóið er notað með appinu ROLI Learn: Piano Lessons, sem er sótt í síma eða spjaldtölvu. Þar er stórt safn vinsælla laga sem nemendur geta lært að spila með því að fylgja lýsandi tökkum og leiðbeiningum appsins. Kennsluefni og æfingar styðja við námið og gefa nemendum færi á að byggja upp færni á eigin hraða.

Útláninu fylgja innskráningarupplýsingar að reikningi sem veitir fullan aðgang að appinu og öllu efnissafni þess meðan á lánstíma stendur. Lántakendur þurfa því ekki að kaupa sérstaka áskrift. Leiðbeiningar um innskráningu fylgja búnaðinum.

Kynningarmyndband:
https://www.youtube.com/watch?v=P6_u4cn5IYw

Naðu i appið: ROLI Learn: Piano Lessons